Un home de 58 anos de idade, J.M.S.X., resultou ferido grave este luns despois de ser arroiado polo usuario dun patinete eléctrico na Avenida de Camelias en Vigo. O accidente ocorreu sobre as 14.00 horas á altura do número 46 desta rúa e a vítima estaba a baixar dun autobús nunha parada cando foi atropelado. O usuario do patinete, que deu positivo en haxix, estaba a circular polo carril bici cuxo percorrido coincide nese tramo coa parada.
Como consecuencia do impacto, o home sufriu lesións graves ao golpearse a cabeza e entrou en parada cardiorrespiratoria; un axente da Policía Local estivo a realizar manobras de reanimación ata a chegada dos profesionais sanitarios. Ata o punto desprazouse unha ambulancia de soporte vital básico cun médico do Nicolás Pena, e unha UVI móbil, que trasladou ao ferido ao Hospital Álvaro Cunqueiro.
