A Policía Nacional abriu unha investigación para esclarecer as circunstancias da morte dun home, cuxo cadáver foi localizado este domingo nunha nave abandonada da rúa Jacino Benavente e que, segundo apuntan as primeiras hipóteses, sufriu un accidente ao precipitarse desde unha altura.

Os feitos ocorreron sobre as 14.00 horas na antiga nave de Pescanova que está en Jacinto Benavente, un espazo en desuso desde hai anos no que adoitan pasar a noite persoas sen teito e onde xa se rexistraron outros incidentes, como incendios. Segundo confirmaron fontes policiais, á espera do resultado da autopsia para coñecer as causas da morte, non hai indicios de criminalidade.