O Servizo de Fiscal e Fronteiras da Garda Civil do Aeroporto de Vigo-Peinador interveu a un pasaxeiro procedencia chinesa, tres gramos de bilis de oso liofilizada distribuída en 30 botes. Segundo informou o Instituto Armado, a intervención tivo lugar durante un control rutineiro na inspección de equipaxes. Esta sustancia é usada como medicamento tradicional no sueste asiático.

A extracción de bilis de oso, segundo sinalou a Garda Civil, realízase en granxas onde aos plantígrados, como o oso negro asiático, realízanlle para a súa extracción procedementos dolorosos coa inserción repetida de catéteres ou sondas na vesícula biliar en condicións frecuentemente desalmadas.

Estes tratamento basease no uso do principio activo que é o ácido ursodesoxicólico (UDCA) para tratar cálculos biliares, cirrosis biliar primaria e colangitis esclerosante. O UDCA  sí ten recoñecidas propiedades terapéuticas, máis non é necesario obtelo dos animais xa que pode procesarse sintéticamente en laboratorio, ou con alternativas ecolóxicas xa que hai máis de 50 plantas con efectos similares como o cardo mariano ou a gardenia.

As especies de osos das que extraen a súa bilis atópanse todas elas protexidas polo Regulamento (CE) 338/97 do Consello, sobre a Convención sobre o Comercio Internacional de Especies Ameazadas de Fauna e Flora Silvestres (CITES) e encádranse dentro dos ANEXOS que inclúen as especies en perigo de extinción, estando o comercio destes especímenes prohibido con carácter xeral por considerarse que pode pór en perigo a especie e soamente autorizado baixo circunstancias excepcionais.

Neste contexto, o Seprona de Pontevedra fíxose cargo das dilixencias de investigación, sendo investigado o pasado 15 de setembro un cidadán chinés como autor dun suposto delito de tráfico de flora ou fauna protexida.