Os servizos de emerxencias traballan na extinción dun incendio declarado nun cortello da avenida Ricardo Mella e que tiña herba seca almacenada. O lume, segundo a información do 112 Galicia, comezou sobre as 14.30 horas deste sábado e foi un particular o que deu a voz de alarma. Do suceso non hai que lamentar persoas feridas. Ata o punto desprazáronse os Bombeiros de Vigo, a Policía Nacional e os voluntarios de Protección Civil de Vigo. Actualmente, os servizos de extinción están no lugar cunha pa escavadora para remover e apagar a palla.