Un condutor perdeu o control do seu todoterreo e meteu o seu todoterreo no estanque de Praza América, na cidade de Vigo, na mañá deste luns. Fontes da Policía Local explican a Europa Press que recibiron aviso do accidente ás 8,48 horas polo 112 Galicia.

Os alertantes que avisaron a emerxencias explicaban que o home sufrira un mareo e atravesara o xardín da praza ata acabar no estanque. Ata esta praza da cidade olívica desprazáronse axentes da Policía Local e unha ambulancia do 061.