A Policía Nacional de Vigo investiga unha agresión a un mozo na madrugada do pasado venres ao sábado, nunha zona de locais de lecer nocturno da cidade olívica.

Os feitos ocorreron pasadas as 6,00 horas do sábado, no exterior dun establecemento hostaleiro da rúa Pontevedra. Varias testemuñas alertaron a Emerxencias da presenza dun home tendido no chan, ao que parecía que agrediran.

Fontes policiais explicaron que o home, un mozo de 30 anos de idade, estaba inconsciente e parecía que se golpeou a cabeza ao caer ao chan. O home foi trasladado ao Hospital Álvaro Cunqueiro, onde permanece ingresado na UCI.