A Policía Local de Redondela informou da detención dun veciño desta localidade como suposto autor dun delito de atentado contra axentes da autoridade, por arremeter contra os funcionarios policiais que participaban nunha intervención.
Os feitos ocorreron a pasada madrugada, cando axentes de Policía Local e de Policía Nacional foron requiridos para acudir a un establecemento do centro urbano de Redondela, onde un dos clientes estaba a causar molestias ao resto.
Ao chegar, a persoa referida comportouse de forma agresiva, sen colaborar cos axentes nin acceder a identificarse, a pesar de ser requirido en varias ocasións.
Nun momento dado, o home arremeteu contra os policías, e causou lesións a dous axentes, un de Policía Local e outro de Policía Nacional.
