Por outra banda, o 112 Galicia tamén informou dun incendio rexistrado na noite deste luns nun restaurante de Vigo, e no que resultou ferida unha persoa.

O lume comezou na campá extractora do establecemento, situado na parroquia de Lavadores, e foi apagado polos particulares que contactaron con Emerxencias. Ata o lugar desprazáronse efectivos do 061, que informaron ao 112 de que unha persoa había resultado ferida, tras sufrir queimaduras e inhalar fume, e que se desprazaba polos seus propios medios a un centro sanitario.

Cando chegaron os bombeiros á zona, comprobaron que as chamas estaban correctamente extinguidas e procederon a realizar tarefas de ventilación.