Unha persoa quedou atrapada este xoves no interior do seu vehículo ao chocar contra un farol en Vigo. O vehículo quedou envorcado debido á colisión. Segundo informou o 112, pasados cinco minutos das 14.00 horas, o 112 recibiu a chamada dun particular informando dun coche que chocara contra un farol na Avenida Arquitecto Antonio Palacios, en Vigo.
Na súa comunicación xa indicaba que podería haber persoas atrapadas no interior do vehículo. De inmediato, desde a sala de operacións do 112 Galicia informouse o suceso ao Servizo de Urxencias Sanitarias de Galicia-061, aos Bombeiros de Vigo, aos axentes da Policía Local e aos efectivos de Protección Civil. Con todo, os bombeiros tiveron que empregar o seu material de excarceración para liberar ao ferido.
