Unha serpe de escaleira de preto de metro e medio de lonxitude apareceu na madrugada deste luns na cociña dunha vivenda de Vigo.
Tal como informa a Policía Local, os feitos ocorreron nun domicilio da rúa Antonio Neto Figueroa e foron os propietarios do inmoble os que alertaron aos axentes ao localizar unha culebra na súa cociña. O animal, ao verse sorprendido, escondeuse tras os electrodomésticos.
Cando chegaron os funcionarios, moveron os mobles ata dar coa serpe, que estaba detrás do forno. Así, procederon a capturar ao réptil e a devolvelo ao seu hábitat natural.