Unha patrulla do Destacamento de Tráfico da Garda Civil do Porriño interceptou este domingo na A-55 a un camión cuxo condutor quintuplicaba a taxa máxima de alcol permitida.

Foron outros condutores os que alertaron á Garda Civil de que o condutor realizaba unha “circulación errática”, polo que os axentes agradeceron a colaboración cidadá e destacaron a súa importancia.

Tras darlle o alto, practicáronselle as probas de alcol e drogas, a primeira das cales deu positivo cunha taxa de 0,81 mg/l en aire expirado.