Dúas persoas resultaron feridas tras unha colisión entre un camión que transportaba gas e dous turismos na A-52, ao seu paso por Sanguiñeda, en Mos.

Segundo informou o 112, foi un particular o que deu a voz de alarma sobre as 14.45 horas deste xoves. A circulación viuse interrompida aínda que a carga do camión non estaba afectada.

A central de emerxencias mobilizou aos profesionais de Urxencias Sanitarias de Galicia-061, aos Bombeiros do Porriño, ao Ges de Mos, Garda Civil, Policía Local e os Bombeiros de Vigo.

As persoas feridas foron trasladadas ao hospital de referencia.