Un motorista faleceu este xoves pola noite como consecuencia dunha colisión contra un coche no quilómetro seis da estrada autonómica PO-552 en dirección Oia, segundo informou 112 Galicia.

Os servizos de Emerxencias Sanitarias de Galicia 061, a Policía Nacional, a Policía Local e a Garda Civil de Tráfico trasladáronse ao lugar dos feitos despois de que un particular dese un aviso ao redor das 21.30 horas.