Como vén informando Xornal de Vigo, a Policía Local procedeu esta fin de semana á detención dun home de 35 anos de idade, nado e domiciliado en Vigo, por agresión con resultado de ferido grave.

Ás 07:10 horas do sábado, os axentes foron comisionados pola Central para que se dirixisen á rúa Llorente, onde ao parecer se estaba producindo unha liorta entre varias persoas.

Unha vez no lugar, os actuantes observaron a un home apoiado contra unha parede, sangrando abundantemente polo rostro, polo que solicitaron a colaboración dunha ambulancia.

Mentres tanto, entrevistáronse coa vítima, quen resultou ser un home de 54 anos de idade, nacido en Portugal e domiciliado en Vigo, o cal manifestou que momentos antes participara nunha liorta con dous veciños que aínda se atopaban no lugar, e que un deles propinoulle dúas puñadas no rostro que lle causaron a perda do equilibrio, caéndose ao chan. Pouco despois foi trasladado ao servizo de urxencias do Hospital Álvaro Cunqueiro, debido á gravidade do seu estado.

O outro implicado, un home de 25 anos de idade, manifestou que pouco antes discutira coa vítima e que nun momento dado este reaccionou de forma violenta, polo que entrou no seu domicilio e saíu cunha escopeta, iniciándose un forcexeo entre ambos, pero conseguiron arrebatarlle a arma ao seu propietario e tirala ao chan. Comezou entón o detido a agredir ao que portara a arma, causándolle as feridas de gravidade.

Os policías comprobaron que a escopeta é unha arma larga simulada de certa antigüidade e que unicamente serve como elemento decorativo, procedendo á súa intervención temporal.

Tamén tivo que ser asistida por un estado de ansiedade a parella sentimental de VM. M. P, tras ser testemuña dos feitos, sendo trasladada ao mesmo hospital. O persoal facultativo comunicou aos Axentes que o ferido presentaba un forte corte na zona da tempa esquerda, con afección dunha arteria situada encima da liña do ollo, tendo que ser intervido cirurxicamente para deter a hemorraxia, engadindo ademais que a lesión tivo que ser provocada por algún obxecto contundente.

Os actuantes procederon á detención do arriba sinalado, e ademais continuaron coas investigacións pertinentes para esclarecer os feitos.