InicioSucesosDescargan en Vigo os 200 quilos de coca do veleiro 'Asshashio' abordado...

Descargan en Vigo os 200 quilos de coca do veleiro ‘Asshashio’ abordado no Atlántico

O seu único tripulante, de nacionalidade portuguesa, pasará en próximas horas a disposición da Audiencia Nacional.

PUBLICADO O

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos, cuns 200 quilos de cocaína, atopados nun veleiro que foi abordado hai varios días no Atlántico e cuxo único tripulante, de nacionalidade portuguesa, pasará nas próximas horas a disposición da Audiencia Nacional.

O subdelegado do Goberno en Pontevedra, Abel Losada, e os responsables das forzas policiais, compareceron este mércores no peirao de transatlánticos do Porto de Vigo, onde chegou o patrulleiro Petrel de Vixilancia Aduaneira, coa droga e o detido a bordo. A abordaxe produciuse hai varios días a unhas 500 millas de Canarias. Tratábase dun veleiro duns 11 metros de eslora, de bandeira venezolana e de nome ‘Asshashio’, que levaba a droga no seu interior, sen ocultar, debido ás reducidas dimensións da embarcación.

O único tripulante do barco é un cidadán portugués que foi detido e, unha vez en terra, foi trasladado a dependencias da Garda Civil, á espera de ser posto a disposición da Audiencia Nacional. Tras a abordaxe, aínda que se tentou a operación de remolque, esta non foi posible debido á deterioración que presentaba o veleiro, que acabou afundíndose.

Segundo confirmou o subdelegado do Goberno, o operativo foi froito da colaboración internacional, grazas a intelixencia dos Servizos de Aduana de Francia (DNRED) e da DEA de EE.UU., canalizada a través do Centro de Análise contra o Narcotráfico Marítimo no Atlántico (MAOC) e coordinado polo Centro de Intelixencia co Terrorismo e o Crime Organizado (CITCO).

Esta actuación súmase a outras xa realizadas por Policía Nacional, Garda Civil e Axencia Tributaria na loita contra o narcotráfico na chamada ‘Ruta do Atlántico’ da cocaína. Trátase dunha ruta de transporte de estupefacientes utilizada por pesqueiros, mercantes, embarcacións semirríxidas e veleiros procedentes de Sudamérica e o Caribe, que transbordan a droga en metade do Atlántico para a súa posterior introdución en Europa.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...