InicioSucesosFalecen dúas persoas nun accidente laboral na Cañiza tras quedar atrapados baixo...

Falecen dúas persoas nun accidente laboral na Cañiza tras quedar atrapados baixo sacos de plástico derretido

PUBLICADO O

- Advertisement -

Dous operarios, un home e unha muller, faleceron nun accidente laboral no municipio pontevedrés da Cañiza tras quedar atrapados baixo uns sacos de plástico derretido. Segundo informou o 112, foi ao fío das 2.00 horas deste sábado cando un traballador da planta de reciclaxe deu a voz de alarma e indicou que estaban atrapados baixo uns sacos de granza.

O home explicou que estaba noutra zona da planta de reciclaxe de plásticos situada no polígono industrial e, cando se achegou, a situación era xa irreversible. A central de emerxencias mobilizou ao GES-Bombeiros de Ponteareas e ao GES de Ribadavia, así como aos Bombeiros de Baixo Miño, que descartaron intervir tras confirmar cos compañeiros xa desprazados que había medios e recursos suficientes para facer fronte ao rescate.

Pola súa banda, Urxencias Sanitarias de Galicia-061 mobilizou ata o punto unha ambulancia asistencial de SVB e persoal sanitario do PAC da Cañiza. Ademais, no operativo tamén participou a Garda Civil e foron informados os psicólogos do Grupo de Intervención especializada en graves emerxencias e catástrofes.

O CONCELLO DECRETA DOUS DÍAS DE LOITO

Concello da Cañiza decretou dous días de loito oficial, este sábado e domingo, polos dous veciños, de 42 e 55 anos. Así o declarou o alcalde, Luís Pena, que deu o pésame ás familias, amigos e compañeiros por parte da corporación municipal. As bandeiras dos edificios institucionais ondearán a media hasta.

ÚLTIMAS

Unha concentración polo peche da antiga estación de buses esixe o reacollo das persoas sen fogar

O valado das instalacións da antiga estación de autobuses de Vigo, na Avenida de...

Falece un escalador de Vigo nunha montaña de León

Un escalador de Vigo faleceu tras sufrir unha caída en Pena Ubiña en San...

O Porto de Vigo inicia a operativa de “eliminación e trincaxe” do buque ‘HC Eva Marie’

O Porto de Vigo iniciou este sábado a operativa para a "eliminación, desconsolidación e posterior trincaxe" dos...

Dous construtores enfróntanse a 3 anos de cárcere por quedar co diñeiro dunha obra na parroquia de Candeán que non chegaron a facer

Dous construtores, que serán xulgados na sección quinta da Audiencia Provincial de Pontevedra (con sede en Vigo)...