InicioSucesosFeridas tres persoas nun accidente múltiple na A-55 en Mos

Feridas tres persoas nun accidente múltiple na A-55 en Mos

Os vehículos quedaron pegados uns a outros e o terceiro á barreira protectora da vía.

PUBLICADO O

Un accidente múltiple con tres coches implicados deixou a tres persoas feridas este venres na autovía A-55 (Vigo-fronteira portuguesa) á altura do municipio de Mos. Segundo informa o 112 Galicianun primeiro momento pensouse na posibilidade de que houbese persoas atrapadas, polo que se activaron os recursos do parque de bombeiros do Porriño e dos membros do GES de Mos. Con todo, unha vez no lugar do sinistro, comprobaron que o acceso aos ocupantes dos vehículos era posible sen elementos de excarceración.

A colisión, na que se viron implicados dous turismos e unha furgoneta, produciuse na A-55, ao paso polo quilómetro 14, en sentido Vigo. A consecuencia do impacto, tres persoas resultaron feridas, unha en cada un dos vehículos implicados. Todas foron evacuadas polo 061 ao centro hospitalario de referencia. Os vehículos quedaron pegados uns a outros e o terceiro á barreira protectora da vía. Pola súa banda, e unha vez descartada a excarceración, os Bombeiros do Porriño moveron os coches co fin de liberar a vía e facilitar a limpeza e retirada dos restos.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...