Catro persoas resultaron feridas na noite deste pasado luns nunha colisión entre tres vehículos ocorrida na localidade pontevedresa de Cangas. Foi sobre as 21.00 horas cando un particular informou ao 112 Galicia do accidente, que se rexistrou no quilómetro 12 da PO-305, á altura da parroquia canguesa de Hío.

A partir de aí, deuse aviso a Urxencias Sanitarias, á Garda Civil de Tráfico e a Protección Civil. O catro feridos tiveron que ser evacuados en ambulancia polos profesionais sanitarios. Mentres, os servizos de emerxencias traballaron ata preto das 00.00 horas para despexar o asfalto e restablecer as condicións óptimas de circulación.