Tras conseguirse finalmente extinguir de forma completa o incendio de Mondariz, chegou o momento de botar as contas. As estimacións do goberno galego falan de 3 técnicos, 55 brigads e 20 axentes, que empregaron 33 motobombas, un tractor e medios aéreos.

En canto á superficie afectada, divídese en 70 hectáreas de superficie arborada e 89 hectáreas de monte raso. O incendio controlouse ao mediodía do luns e tardou desde entón día e medio máis en extinguirse, ás 19:53 deste martes. Declarárase ás 18:15 horas do domingo.

Medio cento de veciños foron desaloxados, segundo estima a Xunta de Galicia.