InicioSucesosDetido en Vigo un condutor que fuxiu tras lesionar a un peón...

Detido en Vigo un condutor que fuxiu tras lesionar a un peón cando triplicaba a taxa máxima de alcoholemia permitida

Con motivo deste accidente, a Policía Local tivo que cortar temporalmente o tráfico na zona, e dar aviso a bombeiros para proceder a limpar a calzada. Así mesmo, foi necesaria a retirada de parte da iluminación do Nadal, que se atopaba semidescolgada e ameazaba con caer sobre a rúa.

PUBLICADO O

Axentes da Policía Local de Vigo detiveron a un condutor que se saíu da vía no centro da cidade, causando lesións a un peón e danando o mobiliario urbano, que logo se deu á fuga e que triplicaba a taxa máxima de alcoholemia permitida. Segundo informaron fontes policiais, os feitos ocorreron na noite deste venres, cando o 092 recibiu un aviso sobre un accidente de tráfico na rúa Urzáiz con Vázquez Varela, onde un coche se saíu da vía e chocara contra diverso mobiliario urbano, causando lesións leves a un viandante.

O condutor deuse á fuga pero, tras falar con testemuñas e tomar nota da descrición do vehículo, a Policía conseguiu localizar a este condutor na rúa Ramón María Aller. Ao entrevistarse con este home, os axentes comprobaron que tiña síntomas de estar baixo os efectos do alcol, polo que lle fixeron a proba, que arroxou resultado positivo de 0,77 e 0,78 mg/l. Con motivo deste accidente, a Policía Local tivo que cortar temporalmente o tráfico na zona, e dar aviso a bombeiros para proceder a limpar a calzada. Así mesmo, foi necesaria a retirada de parte da iluminación do Nadal, que se atopaba semidescolgada e ameazaba con caer sobre a rúa.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...