Nove persoas, entre elas dous menores de idade, resultaron feridas nun accidente de circulación no que se viron implicados catro vehículos durante a noite do mércores en Vigo. A colisión en cadea produciuse ás 22.30 horas na rúa do Miradoiro, en Castrelos, segundo informou este xoves o CIAE 112 Galicia. Tras recibir o aviso por parte dunha das persoas implicadas, a central de emerxencias alertou a Urxencias Sanitarias 061, que mobilizou tres ambulancias ata o lugar do incidente.

Os nove implicados sufriron feridas de carácter leve. Dous deles, unha muller de 45 anos e un menor, recibiron o alta no punto e non foi necesario o seu traslado. Os sete restantes, entre os que había un menor ademais de cinco mulleres e un home con idades comprendidas entre os 25 e os 52 anos, foron evacuados ao hospital Povisa e ao Centro Médico Concheiro.