InicioVigo e contornaFornelos de MontesRescatado o corpo sen vida dun home despois dun accidente co seu...

Rescatado o corpo sen vida dun home despois dun accidente co seu kaiak en Fornelos de Montes

Segundo informou o 112, dous das persoas que o acompañaban conseguiron sacalo da auga inconsciente e un deles contactou coa central de emerxencias minutos despois das 15,00 horas.

PUBLICADO O

Os Bombeiros do Porriño rescataron o corpo sen vida dun home tras sufrir un accidente co seu kaiak no río Oitavén, nas proximidades do encoro de Eiras, no municipio pontevedrés do Fornelos de Montes.

Segundo informou o 112, dúas das persoas que o acompañaban conseguiron sacalo da auga inconsciente e un deles contactou coa central de emerxencias minutos despois das 15,00 horas.

Na súa chamada explicou que eran necesarios equipos de rescate para chegar ata eles, xa que estaban moi preto dun barranco e nunha zona á que non se podía acceder a pé.

Os xestores do 112 Galicia activaron un operativo que contou coa participación de Urxencias Sanitarias de Galicia-061, dos Bombeiros do Porriño e da Garda Civil.

Ademais, informaron a Salvamento Marítimo, ao Servizo de Gardacostas de Galicia e aos voluntarios de Protección Civil de Oitavén-Tea. Ante o suceso, chegaron a valorar un rescate aéreo que foi descartado polos riscos derivados da meteoroloxía adversa.

Os bombeiros e a Garda Civil procederon co rescate por terra e Urxencias Sanitarias de Galicia-061 mobilizou ao seu persoal a bordo dunha ambulancia.

Finalmente, os bombeiros chegaron ao lugar do accidente e rescataron o corpo da persoa. A pesar dos esforzos, os servizos sanitarios só puideron confirmar o falecemento.

 

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...