A explosión de dúas bombonas no galpón dunha vivenda da rúa Redomeira, na parroquia viguesa de Lavadores, saldouse sen persoas feridas.

Segundo informou o 112, foi ao fío das 8.00 horas deste sábado cando un particular informou de que escoitara unha serie de fortes explosións e que observaba lapas e fume negro que saía da vivenda afectada.

A central de emerxencias informou a Urxencias Sanitarias de Galicia-061, aos Bombeiros de Vigo e á Policía Nacional e Local, que confirmaron que non había feridos.