Unha muller recibiu axuda este venres para saír do seu coche en Vigo, ao quedar ao bordo dun precipicio. Segundo a información recibida no 112 Galicia ao redor das 14.00 horas, o vehículo estivo a piques de envorcar e quedou ao bordo dun precipicio duns cinco metros, no aparcadoiro do Instituto Feiral de Vigo.

Debido a situación do vehículo, a persoa tiña dificultades para saír, polo que precisaba axuda para abandonar o turismo. Así, desde o 112 Galicia, informouse a Urxencias Sanitarias de Galicia-061, aos Bombeiros de Vigo e aos axentes da Policía Local.