A Garda Civil de Cangas investiga a un veciño, de 29 anos de idade, como suposto responsable dunha plantación de marihuana incautada na localidade. Interviñéronselle 31 plantas de cannabis, 22 delas de grandes dimensións. O cultivo localizouse por mor das investigacións realizadas por efectivos de Seguridade Cidadá e do forte cheiro a marihuana que había nunha leira.

Ademais, podíase apreciar desde o exterior unha agrupación de grandes plantas baixo un alpendre a modo de invernadoiro, co teito de plástico, así como outros exemplares ocultos entre a vexetación do terreo. O Instituto Armado, ademais de investigar ao novo, trasladou as plantas a Sanidade Exterior de Vigo. As dilixencias foron entregadas no xulgado de garda de Cangas.