Unha octoxenaria faleceu este mediodía tras caer accidentalmente desde unha xanela do piso 14 dun edificio do barrio vigués de Coia.

O suceso aconteceu nun edificio da rúa Marín. O corpo foi localizado por un viandante que chamou ao 112. Con todo, o persoal sanitario non puido facer nada pola muller, que faleceu no acto.

Os primeiros indicios apuntan a que a muller estaba facendo tarefas domésticas cando caeu.