Dúas persoas resultaron feridas este sábado tras chocar os seus vehículos na A-55, á altura do quilómetro 120 no lugar de Tameiga dirección Vigo. Segundo confirmou o 112, os feitos ocorreron ao redor das 15.30 horas e para poder evacuar aos feridos tiveron que sacar as portas dos dous vehículos, cun ocupante en cada coche.

A central de emerxencias recibiu o aviso por parte dun particular e dos Servizos Sanitarios que mobilizaron ata o punto dúas ambulancias. O 112 deu aviso aos bombeiros do Baixo Miño e os de Vigo, Garda Civil de Tráfico, Policía Local de Mos e Protección Civil.