A Garda Civil do posto de Baiona identificou ao presunto autor do incendio que causou danos no chiringuito de Praia América, en Nigrán, en xuño pasado, e que resultou ser o anterior adxudicatorio da concesión do local.
Así, trátase dun veciño de Tui de 50 anos de idade, con antecedentes penais, que fora xerente do establecemento pero que, este ano, non resultou adxudicatario ao presentar unha oferta inferior á que logo resultou seleccionada no proceso administrativo.
A Garda Civil atribúelle catro supostos delitos: dous delitos leves de danos polo corte do fluído eléctrico do chiringuito “con intención de boicotear a actividade”; un delito de usurpación de estado civil, por unha denuncia presentada no Concello contra este establecemento “en nome doutra persoa”; e outro delito polo incendio provocado, días antes da apertura do local.
A concesión destes chiringuitos faise mediante concurso público antes do verán, e as poxas pola concesión fanse en sobre pechado. Este ano, adxudicouse a concesión unha persoa que presentou unha oferta “ostensiblemente superior” á que presentou o investigado, que perdeu dita concesión.