Un home resultou ferido este domingo en Tomiño cando manipulaba unha bomba de palenque ao caerlle algúns restos na cara. Segundo informou o 112, algunhas das persoas que o acompañaban foron os que o trasladaron ao ao Hospital Álvaro Cunqueiro de Vigo en medios de transporte privados.

O accidente produciuse cando manipulaba bombas de palenque no lugar de O Bouzón, en Tomiño. De feito, indicaron que, realmente, as lesións foron provocadas pola caída das canas, e non por unha detonación.

Desde o 112 Galicia, trasladouse esta información aos profesionais de Urxencias Sanitarias de Galicia-061, aos membros do GES de Mos, Protección Civil de Tomiño, Policía Local e Garda Civil.