Un home, J.M.G.G. de Mos e 31 anos de idade, foi detido en Vigo tras saltarse a orde de afastamento da súa exparella, accedendo a un chiringuito de praia onde ela acudira momentos antes.

Segundo informa a Policía Local, os axentes tiveron constancia do suceso cando a muller solicitou presenza policial debido a que a súa exparella, á cal lle constaba unha orde de afastamento, acudira ao mesmo local no que ela estaba.

A moza abandonou o chiringuito e esperou no exterior do establecemento aos policías. Cando chegaron os funcionarios, explicoulles que xa o pasado 4 de xullo sucedera un feito similar nun concerto, pero naquela ocasión ela decidiu saír do mesmo sen presentar denuncia.

Así, os axentes localizaron no interior do bar ao home, verificando a información achegada pola vítima, polo que se procedeu á súa detención por saltarse a orde de afastamento.