A provincia de Pontevedra rexistrou varios movementos sísmicos este venres, en concreto un cuxo epicentro foi no Atlántico, fronte ás Rías Baixas da costa galega, e outro tremor na localidade de Bueu.
Segundo a información do Instituto Gegráfico Nacional, ás 08.29 horas, tivo lugar un sismo na localidade pontevedresa de Bueu que alcanzou unha magnitude de 1,9 na escala de Richter, a un quilómetro de profundidade. Minutos despois, ás 08.47, produciuse un terremoto de magnitude 2,2 na zona do Atlántico-Galicia, fronte á costa de Pontevedra, cunha profundidade de 19 quilómetros.
O 112 Galicia non rexistrou, segundo confirmou a Europa Press, chamadas para informar, pedir información ou “solicitar axuda de ningún tipo” respecto destes movementos sísmicos matinais.
