Efectivos de Emerxencias rescataron nas últimas horas o cadáver dun home novo que se precipitou ao mar na zona do Náutico, en Vigo, segundo confirmou o CIAE 112-Galicia e fontes policiais. Así, estas fontes explicaron que, tras recibirse a alerta, pouco antes das 23.30 horas deste martes, estableceuse un dispositivo de procura desa persoa por terra, mar e aire.
No operativo participaron membros de de Urxencias Sanitarias de Galicia-061, o Servizo de Gardacostas de Galicia, Garda Civil, Policía Nacional e Local, e efectivos da Autoridade Portuaria de Vigo.
Gardacostas mobilizou o helicóptero ‘Pesca 1’ e, por mar, tamén estivo a traballar o buque de Salvamento Marítimo ‘María Pita‘. Ao operativo sumouse un equipo de mergulladores, que foi o que finalmente logrou recuperar o cadáver, pouco antes das 1,00 horas da madrugada.
