InicioVigo e contornaMosUnha persoa resulta ferida en Mos tras envorcar co seu vehículo na...

Unha persoa resulta ferida en Mos tras envorcar co seu vehículo na autovía

Xa no transcurso das primeiras chamadas os alertadores indicaron que o vehículo implicado dera varias voltas de campá antes de deterse envorcado sobre o asfalto.

PUBLICADO O

- Advertisement -

Unha persoa resultou ferida este xoves en Mos tras envorcar co seu vehículo na autovía ao seu paso pola parroquia de Tameiga.

Segundo informou o 112, o servizo recibiu diversas chamadas de particulares ao redor das 9,30 horas para alertar do accidente, que ocorreu no quilómetro 12 e en dirección sur.

Xa no transcurso das primeiras chamadas os alertadores indicaron que o vehículo implicado dera varias voltas de campá antes de deterse envorcado sobre o asfalto. Tamén, que o seu ocupante conseguira saír ao exterior polo seu propio pé, tras o que foi atendido polos servizos sanitarios.

Neste operativo participaron o persoal de Urxencias Sanitarias de Galicia-061, a Garda Civil de Tráfico, a Policía Local de Mos e os servizos de mantemento da autovía.

CORTE NA A-55 POR UN CAMIÓN AVARIADO

Doutra banda, ás 10,45 horas comunicóuselle ao 112 que un camión quedara avariado no quilómetro 11 da A-55, ao seu paso por Petelos, e obstaculizaba a circulación.

Desde o 112 informouse os Bombeiros do Porriño, ao GES, Policía Local e Protección Civil de Mos, á Garda Civil de Tráfico e aos servizos de mantemento da estrada.

Unha vez no punto, os axentes da Garda Civil de Tráfico procederon a cortar o carril afectado para proceder cos traballos de limpeza da vía, nos que participaron os Bombeiros e o GES, finalizando a súa intervención pasado o mediodía.

ATROPELO A UNHA EMBARAZADA EN VIGO

Por último, o servizo informou tamén dun atropelo a unha embarazada en Vigo, que foi alcanzada por un coche na avenida de Alcalde Lavadores. A implicada tivo que ser atendida polo persoal de Urxencias Sanitarias de Galicia-061

O servizo recibiu o aviso antes das 9,30 horas, cando unha condutora que estaba implicada no accidente chamou para detallar o acontecido: acababa de chocar por detrás con outro vehículo, que á súa vez impactou contra a muller ferida. Ademais dos servizos sanitarios, tamén se desprazou ao lugar a Policía Local.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...