O Concello de Cangas vivíu momentos de tensión esta mañá do xoves ao detectarse un importante escape de gas orixinado nunhas obras o que obrigou a acordoar toda a rúa Méndez Núñez ante o temor a posibles incidencias.

Foi unha máquina que interviña nunhas obras nesa rúa a que provocou o escape ao romper por accidente unha tubaxe de gas.

Até a zona desprazáronse efectivos de Protección Civil que, ante a magnitude do escape, alertaron tamén a efectivos de Bombeiros e a Policía Local, que decidiu evacuar locais e vivendas. No lugar atópanse tamén técnicos da empresa de subministración de gas.