Tres persoas resultaron feridas e tiveron que ser evacuadas en ambulancia tras producirse unha colisión múltiple na autovía A-55 no termo municipal de Mos. Segundo informaron fontes do CIAE 112 Galicia, o accidente produciuse sobre as 8,40 horas á altura do quilómetro 10 da autovía, e nel estiveron implicados 6 vehículos, que tiveron unha colisión por alcance.

Os servizos de Emerxencias mobilizaron a Urxencias Sanitarias 061, Garda Civil de Tráfico, GES de Mos e os servizos de mantemento da vía. Finalmente, tres persoas feridas foron trasladadas en ambulancia a centros sanitarios.

CAÍDA DUN CICLISTA

Por outra banda, o 112 Galicia tamén informou da caída dun ciclista no municipio de Sanxenxo. Ocorreu pouco antes das 10,00 horas desta mañá na estrada entre Forxán e Bichona, á altura da parroquia de Adina. O 112 deu aviso a Urxencias Sanitarias 961, Garda Civil de Tráfico, GES de Sanxenxo e Policía Local.