Un home resultou ferido na mañá deste mércores con queimaduras na cara e nas mans cando manipulaba un spray na localidade pontevedresa de Redondela.
Segundo informou o 112 Galicia, o home estaba a bordo dunha embarcación atracada no Club Náutico cando unha acumulación de gas procedente dun spray provocou unha explosión, con efectos lesivos sobre quen o manipulaba.
Foi sobre as 11,00 horas cando os servizos de emerxencia recibiron a chamada de auxilio, debido a que os profesionais de urxencias sanitarias tiñan en marcha unha dotación para atender ao ferido.
A partir de aí, solicitouse a intervención de Salvamento Marítimo e do Servizo de Gardacostas de Galicia. Con todo, a deflagración apenas deixou danos na embarcación.
Ademais dos sanitarios, que trasladaron ao ferido ao hospital Álvaro Cunqueiro de Vigo, tamén interviñeron os axentes da Policía Local e os integrantes do servizo local de emerxencias e foron informados os bombeiros do Porriño e de Vigo, así como a Policía Nacional.
