A Policía Local de Tui  detivo por un presunto delito de desobediencia a un home de 45 anos de idade, que foi interceptado circulando nun vehículo sen seguro nin ITV, baixo os efectos do alcol e sen carné, e que foi posto a disposición da Garda Civil.

Os feitos ocorreron na tarde do pasado venres, cando a Policía Local recibiu varias chamadas de testemuñas informando da presenza dun home que conducía unha furgoneta da marca Mercedes a gran velocidade, nunha zona de aparcadoiro do municipio. O condutor estaba a chocar contra outros vehículos estacionados e parecía atoparse en estado de embriaguez.

Unha patrulla desprazouse ao lugar e procedeu a interceptar ao condutor. Ao comprobar os seus datos, os axentes constataron que carecía de permiso de conducir, ao perder vixencia o seu carné pola retirada de todos os puntos.

Ademais, a furgoneta non tiña seguro nin pasara en prazo a ITV. A iso súmase que o home arroxou resultado positivo no test de alcoholemia ao que foi sometido. Por todo iso, tramitáronse dilixencias de denuncia.

Horas despois, a Policía volveu recibir chamadas sobre este mesmo condutor, que estaba a tentar levar a furgoneta, que fora inmobilizada tras o episodio anterior. O home, supostamente, estaba a ameazar a outros usuarios do aparcadoiro e viuse implicado nunha pelexa. Por iso, sobre as 22,15 horas, a Policía Local procedeu á súa detención e posterior