InicioSucesosA xuízo os dous acusados da morte do ex conselleiro delegado de...

A xuízo os dous acusados da morte do ex conselleiro delegado de Barreras

Están en prisión desde 2021 acusados de matar cunha combinación de psicotrópicos e alcol.

PUBLICADO O

- Advertisement -

Audiencia Provincial de Madrid xulgará a partir do próximo luns os dous acusados da morte de José Rosado, de 42 anos, ex conselleiro delegado de Hijos de J. Barreras, o maior estaleiro privado do Estado. Os feitos tiveron lugar o 29 de outubro de 2021, cando o cadáver de Rosado foi descuberto nunha habitación de hotel en Madrid.

O cadáver non mostraba signos de violencia. Non había lesións, nin negróns nin indicios de asfixia, polo que ao principio podería parecer unha morte natural, aínda que a habitación estaba revolta e faltaban algunhas cousas. Con todo, as pesquisas levadas a cabo polo Grupo V de Homicidios da Brigada Provincial de Policía Xudicial, desvelaron que os acusados causáronlle á vítima unha sobredose pola mestura de psicotrópicos e alcol.

O fiscal solicita 17 anos e seis meses de prisión para M. V. P. e outros 19 anos e tres meses para M. C. por delitos de homicidio, roubo con violencia e estafa. Ademais, no caso de M.C. solicita que na sentenza a pena de prisión sexa substituída pola súa expulsión do territorio nacional debido aos antecedentes penais que acumula. Ambos os dous acusados permanecen en situación de prisión provisional por esta causa desde o día 24 de decembro de 2021 e, en concepto de responsabilidade civil, a Fiscalía reclámalles 150.000 euros.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...