A Xunta de Galicia leva este sábado a Cangas do Morrazo o novo programa de lecer e educación non formal ‘Día da Xuventude’, que conta cunha variedade de actividades.
Este novo programa, que se inaugurou a semana pasada na comarca de Tabeirós-Terra de Montes e que agora recala na do Morrazo, comezará a súa programación o día 14 de xaneiro ás 17,00 horas e prolongarase ata as 22,00 horas.
Durante toda a tarde haberá un abanico de actividades gratuítas como xogos educativos de gastronomía, futbolín humano, tiro con arco, talleres ambientais ou habilidades de empregabilidade. Ademais diso, tamén contarán con información xuvenil e con postos de concienciación sobre a igualdade de xénero. Tamén haberá actuacións de Nuno Ponce e Santervás que amenizarán a xornada vespertina.
Toda esta programación non só achegará o lecer e a formación á mocidade galega –pois pasará por 30 localidades de todo o territorio–, senón tamén favorece á conciliación da vida familiar e laboral, explicou a Xunta.
