InicioSucesosTrece anos de prisión para o home que matou ao seu irmán...

Trece anos de prisión para o home que matou ao seu irmán cunha aixada en Salceda

PUBLICADO O

A sección segunda da Audiencia Provincial de Pontevedra, dacordo co veredicto do tribunal do xurado, impuxo trece anos de cárcere ao home que matou cunha aixada ao seu irmán en Salceda de Caselas.

Na sentenza, a maxistrada presidenta indica que o tribunal popular considerou probado que a intención do acusado foi causar a morte da vítima, polo que cualifica os feitos dun delito de homicidio coa agravante de parentesco e a atenuante de confesión.

Así, o fallo declara acreditado que o sospeitoso, que mantiña malas relacións co seu irmánempezou a discutir con el e, nun momento dado, arrebatoulle a aixada que portaba e propinoulle tres golpes na cabeza que acabaron coa súa vida.

Na resolución, explica que o xurado entendeu que a causa da morte, sucedida en agosto de 2019, foron ese tres golpes na cabeza, un feito corroborado pola declaración das forenses.

Ademais, recalca que “facendo uso dunha ferramenta do campo, en concreto, unha aixada, atacouno de forma violenta nunha zona moi concreta do seu corpo, de importancia vital, a súa cabeza”. Como consecuencia desta agresión, matouno.

Ademais do trece anos de prisión, a Audiencia impúxolle a prohibición de aproximarse e comunicarse coa esposa da vítima e cos seus dous fillos durante un período superior en dez anos á pena de cárcere, así como o abono dunha indemnización ao tres familiares de 800.000 euros.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...