InicioSociedadeVigo, parada obrigada da unidade de atención ás vítimas de abusos na...

Vigo, parada obrigada da unidade de atención ás vítimas de abusos na Igrexa do Defensor do Pobo

O número de solicitudes remitidas desde a cidade olívica motiva que se inclúa no calendario de desprazamentos.

PUBLICADO O

A Unidade de Atención ás Vítimas da Oficina do Defensor do Pobo, que dirixe Ángel Gabilondo, visitará Vigo a finais de novembro para entrevistar as persoas que denunciaron sufrir abusos por parte de membros da Igrexa na cidade olívica.

A cidade olívica figura no calendario de desprazamentos desta unidade ante o número de solicitudes remitidas desde a primeira urbe de Galicia. En concreto, a visita terá lugar os días 28, 29 e 30 de novembro e as vítimas que desexen ser entrevistadas presencialmente nestas cidades -ou en calquera outra- han de contactar coa Unidade a través do teléfono gratuíto 900 111 025 ou por correo electrónico (atencionvictimas@defensordelpueblo.es).Tamén poden facelo por correo postal (Defensor do Pobo. Rúa Zurbano, 42. 28010).

Esta oficina abriu desde o pasado 7 de xullo un total de 253 expedientes de vítimas de abusos sexuais no ámbito da Igrexa católica-, das máis de 400 comunicacións recibidas, que deron lugar a 149 entrevistas persoais O 80 por cento delas son homes.

Así o puxo de manifesto este venres 28 de outubro a institución, que sinala, ademais, que membros desta Unidade desprazaranse a zonas de residencia de quen desexen ofrecer o seu testemuño sobre abusos sexuais no ámbito da Igrexa católica, segundo informou este venres 28 de outubro a institución.

A Comisión Asesora está formada por 20 persoas, das que 17 son externas con experiencia en atención a vítimas, con coñecementos no ámbito xurídico, no dos dereitos humanos, en victimoloxía ou na docencia. Presidida polo Defensor do Pobo, tamén participan nela a adxunta primeira, Teresa Jiménez-Becerril e a adxunta segunda, Patricia Bárcena.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...