InicioSociedadeAs obras de mellora da mobilidade peonil na PO-315 á altura de...

As obras de mellora da mobilidade peonil na PO-315 á altura de Cangas comezarán a principios de ano

A Consellería de Infraestruturas e Mobilidade adxudicou por case 230.000 euros

PUBLICADO O

A Consellería de Infraestruturas e Mobilidade adxudicou por case 230.000 euros as obras de mellora da mobilidade peonil na estrada PO-315 á altura do concello pontevedrés de Cangas.

Tal como informou o Goberno galego nun comunicado, os traballos foron adxudicados á empresa Construcións Fechi e terán un prazo de execución de catro meses. Iniciaranse a principios do ano que vén, xa que o levantamento das actas de ocupación dos terreos expropiados está previsto para o 14 de decembro.

O obxectivo desta intervención é reforzar a seguridade e a comodidade dos usuarios e favorecer unha mobilidade máis sustentable na zona. Os traballos desenvolveranse entre os puntos 10+100 e 10+380 ao seu paso pola parroquia de Aldán e mellorarán os percorridos peonís, con novas beirarrúas accesibles e unha pasarela peonil.

Tamén se incluirá a reordenación das interseccións de acceso á praia de San Cibrán, dos pasos de peóns e das paradas de autobús, xunto coa renovación da rede de pluviais e a iluminación.

Así mesmo, nun segundo tramo do proxecto, entre os puntos 13+200 e 13+550, acometeranse tres actuacións puntuais para dar continuidade á beirarrúa actual, na parroquia de Darbo. As obras serán financiadas con fondos europeos como parte da resposta da Unión Europea á pandemia dentro do programa operativo FEDER Galicia 2014-2020.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...