InicioSociedadeJohnny Depp, Jennifer Aniston ou Leo DiCaprio, os nomes de famosos que...

Johnny Depp, Jennifer Aniston ou Leo DiCaprio, os nomes de famosos que se usan ilicitamente para acceder ás Illas Atlánticas

Denuncian "falta de control" nos accesos e piden unha investigación.

PUBLICADO O

Empresas do sector de transporte marítimo de pasaxeiros denunciaron a “falta de control” nos accesos ao Parque Nacional das Illas Atlánticas, asegurando que algúns usuarios utilizaron nome de famosos, como Johnny Depp, para pedir a autorización.

Nun comunicado conxunto emitido por Naviera Mar de Ons, Naviera de las Rías Gallegas, Rutas Rías Baixas e Cruceros Rías Bajas, as compañías indicaron que o pasado mes de agosto foron emitidas pola Central de Reservas do Parque nacional autorizacións con nomes como Jennifer Aniston, Johnny Depp, James Franco, Vanessa Paradise, Bryan Adams, Leo DiCaprio e Amber Heard.

As empresas explicaron que o sistema de expedición de reservas do Parque Nacional obriga a introducir os datos completos do visitante e o seu número de documento “e nas autorizacións establécese a súa natureza persoal e intransferible”.

“Á vista está que estas autorizacións con nome ficticio e suplantando a personalidade de terceiros son a proba inequívoca de que tal e como viñeron denunciando as navieiras, os accesos ao Parque Nacional carecen a pé de peirao de calquera tipo de control. Ao non controlarse a coincidencia entre a identidade do viaxeiro e a súa autorización, permítese acceder ao Parque Nacional e a circulación e o tráfico ilegal de autorizacións”, lamentaron.

A consecuencia, segundo denuncian, é que calquera pode acaparar con antelación autorizacións para subtraelas do mercado e polas en circulación cando mellor lle conveña, “con claro prexuízo a outros usuarios e ao resto de navieiras”.

As navieiras suscribientes veñen reiterando desde hai anos a necesidade de controlar a identidade dos portadores das autorizacións como mínimo de forma aleatoria para disuadir aos seus autores destas prácticas “anticompetitivas”.

Por iso, reclamaron unha investigación e que a Axencia para a Modernización Tecnolóxica de Galicia (Amtega) e a Dirección Xeral de Patrimonio Natural rastrexen a procedencia destas autorizacións e os seus autores.

Ademais, insistiron en que a xestión das autorizacións é “engorrosa e opaca”. “O sistema carece de homoxeneidade e transparencia respecto ao do acceso dos visitantes diarios e non garante a libre competencia”, sentencian desde o sector.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...