O alcalde de Vigo, Abel Caballero, anunciou que o Concello aprobou a licenza de primeira ocupación da Cidade da Xustiza, despois de que fose solicitada pola Xunta de Galicia o pasado mes de xaneiro.

Tal como indicou Caballero en rolda de prensa, este trámite asinouse despois de que levase a cabo a rehabilitación do antigo edificio do Hospital Xeral, que albergará os xulgados vigueses. Neste sentido, o rexedor mostrouse “satisfeito” pola obra e felicitou ao arquitecto, Alfonso Penela, polo seu traballo. A partir de agora, poderá iniciarse o traslado desde os edificios da rúa Lalín.