A Sociedade Galega de Neuroloxía presentará este venres en Vigo os avances no tratamento e as novas tecnoloxías para a atención dos pacientes con esclerose múltiple, polo que varias asociacións e máis dunha vintena de persoas que sofren esta doenza asistirán ao simposium que se celebrará no Hotel NH.
Este encontro, enmarcado na XXXV Reunión anual da Sociedade Galega de Neuroloxía, abordará a utilidade das aplicacións no seguimento da enfermidade, co obxectivo de situar ao paciente no centro de todo o proceso asistencial.
O simposium levará a cabo entre as 11,30 e as 12,30 horas e terá un carácter “eminentemente práctico”, segundo recolle a asociación nun comunicado, polo que centrará os seus contidos en dous eixos principais: a utilización de aplicacións e os novos tratamentos, entre os que se anuncia a presentación en Galicia dun novo fármaco de Novartis o próximo 29 de abril.
