O Ministerio de Transportes, Mobilidade e Axenda Urbana (Mitma) aprobou provisionalmente o proxecto de construción de glorietas e tratamento de marxes da N-120, entre os puntos quilométricos 644+900 e 649+950, ao seu paso polo termo municipal de Ponteareas.

O orzamento estimado desta actuación é de 3,3 millóns d euros e a finalidade é mellorar a seguridade viaria no tramo comprendido entre o núcleo urbano de Ponteareas e a intersección de O Confurco, en total uns 5 quilómetros.

Así, acondicionaranse interseccións mediante a construción de glorietas; reordenaranse os accesos; executarase unha senda peonil anexa á estrada; e adecuaranse sinalización, balizamento e defensas.

As obras están incluídas no programa de conservación e mantemento da Rede de Estradas do Estado, no que se investiron máis de 40 millóns na provincia de Pontevedra desde xuño de 2018.