InicioSociedadeDenuncian maltrato asistencial dunha interna de 90 anos da residencia DomusVi...

Denuncian maltrato asistencial dunha interna de 90 anos da residencia DomusVi Aldán

Vellez Digna di que puido ter caídos sen que os familiares foran informados.

PUBLICADO O

A Asociación Galega De Familiares e Usuarios De Residencias Vellez Digna denuncia a falla de coidados e a desatención sofrida na residencia DomusVi de Aldan, por unha usuaria encamada de 90 anos, que sufriu graves danos no pe e perna dereita “sen que na residencia lle prestasen atención sanitaria, nin a derivasen ao centro de saude, nin sequera deran aviso a súa familiar de referencia, porque aparentemente nin se decataron dos danos sufridos”.

Vellez Digna asegura nun comuinicado que o 5 de febreiro de 2022, P.R.B. de 90 anos, persoa encamada e totalmente dependente, ingresou temporalmente na residencia DomusVi de Aldán, “na cofianza e co compromiso, de que se atenderían todalas súas necesidades, durante este periodo, que foi de 17 días”.

Durante ese tempo a súa filla e familiar de referencia, comunicouse coa residencia cada dous días para interesarse polo estado de P.R.B. e a resposta dada pola residencia foi sempre a mesma “atopase moi ben, moi adaptada e sen ningunha incidencia”.

“Ao traela de novo a casa, descubriu o lamentable estado no que se atopaba a súa nai e a levou de inmediato ao servizo de urxencias do centro de saúde de Cangas, ante a sospeita de rotura do pe dereito”. Ao examinada alí, atopan deformidade no pe, con inversión do mesmo, edema no pe e dor á palpación, tamén rotacións dolorosas de cadeira e ombreiro dereito, ante a sospeita de rotura e/o luxación do pe dereito foi derivada ao hospital Álvaro Cunqueiro de Vigo.

HEMATOMAS E CAÍDA

Toda a perna dereita presenta, ademais, un gran hematoma, que está evolucionando a peor e que, segundo o persoal sanitario que segue a súa evolución, semella ser o resultado dun golpe o caída. A entidade destaca que, en ningún momento se lle notificou dende a residencia ningunha incidencia dese tipo, nin de ningún outro, a súa filla e familiar de referencia, tratando de ocultar os danos.

Por todo isto, Vellez Digna decidiu denunciar o caso ante a Inspección de Maiores Discapacidade e Dependencia; a Dirección Xeral de Maiores e Personas con Discapacidade e a Dirección Xeral de Atención Integral Sociosanitaria, todos eles organismos dependentes da consellería de Politica Social. “Pedimos que se investigue, e se tome testemuño a familiar de referencia (cousa que o servizo de inspección non sole facer, preguntando so a versión da residencia e dando por bo o que lle digan)”.

“PROFESIONALIDADE, EMPATÍA E VOCACIÓN”

En resposta a esas acusacións, DomusVi negou tales malos tratos, e subliñou que, “en todo momento”, o equipo da residencia de Cangas “actuou con profesionalidade, empatía e vocación”, á vez que asegurou que “a comunicación coa familia foi constante e unha prioridade”.

Segundo explicou a empresa a Europa Press, o pasado 18 de febreiro, nun control rutineiro, o equipo de profesionais detectou “un pequeno hematoma” no xemelgo da muller, que “se lle tratou rapidamente” e ao que se fixo un seguimento durante os días posteriores. Así, indicou que, durante os días de estancia na residencia, a usuaria estivo “ben atendida polos profesionais, que fixeron os seguimentos e tratamentos médicos pertinentes”, segundo os protocolos establecidos.

“DomusVi quere deixar constancia de que non houbo ningunha mala praxe durante a estancia da residente, e todo o equipo do centro está a disposición da familia, así como de calquera autoridade que o requira, para atender calquera consulta respecto diso”, concluíu a empresa.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...