O ritmo de contaxios de Covid volveu a repuntar nas últimas horas en Galicia, onde hai este xoves 4.006 novas infeccións (811 máis que hai un día) e tamén se retarda a baixada de casos activos. Ademais, a presión hospitalaria redúcese levemente, cun ingresado menos en UCI e 11 ingresados menos en planta.
Segundo os datos publicados pola Consellería de Sanidade, os novos contaxios creceron en todas as áreas sanitarias, coa área da Coruña-Cee á cabeza, con 818 casos novos. Na área de Vigo detectáronse 792 contaxios e segue concentrando o maior número de afectados, con 11.834 (327 menos).
PRESIÓN HOSPITALARIA
Con respecto á presión hospitalaria, en Galicia hai actualmente 47 persoas ingresadas en Unidades de Coidados Intensivos (unha menos que este mércores) e 635 persoas ingresadas en camas convencionais (11 menos). O maior número de enfermos graves están ingresados nas áreas da Coruña e Vigo, con 10 (un menos) e 9 (tres máis).
FALECIDOS, CURADOS E PROBAS
Sanidade confirmou o falecemento, nas últimas horas, doutras 7 persoas con Covid (co que o total de vítimas desde o inicio da pandemia elévase a 3.015). Entre eles, un home de 66 anos e outro home, de 97 anos, que faleceron na área de Vigo.
