Falece en Vigo por covid-19 unha muller sen patoloxías previas

Esta e outras tres mortes máis elevan a cifra de vítimas pola pandemia en Galicia a 2.739.

Paciente con covid-19 na UCI / ANA VARELA - XUNTA - Arquivo.

A Consellería de Sanidade informou este mércores da morte de catro persoas que foran diagnosticadas coa covid-19, entre elas unha muller de 66 anos que non tiña patoloxías previas.

Segundo os datos das autoridades sanitarias, esta muller permanecía ingresada no Complexo Hospitalario Universitario de Vigo (CHUVI).

Ademais, no Hospital Universitario Lucus Augusti (HULA) morreu un home de 69 anos; no Complexo Hospitalario Universitario da Coruña (CHUAC) perdeu a vida outro home de 91 anos; e no Complexo Hospitalario Universitario de Pontevedra (CHOP), un home de 90. Os tres presentaban patoloxías previas.

Con estes catro falecementos rexistrados este mércores a cifra de vítimas pola pandemia en Galicia elévase a 2.739.

DEIXAR UN COMENTARIO

Please enter your comment!
Please enter your name here