InicioSociedadeA área de Vigo, a máis golpeada pola covid-19, cun novo aumento...

A área de Vigo, a máis golpeada pola covid-19, cun novo aumento de hospitalizados e casos activos

Continúa como a de maior presión asistencial en Galicia, con 95 ingresados (10 máis nas últimas 24 horas), dos que 20 están críticos (un máis).

PUBLICADO O

Os ingresados con covid-19 en Galicia volveron subir e fixérono nunha vintena, ata os 273 en total. Con todo, os contaxios detectados baixaron do milleiro, ao rexistrarse 964 novos, mentres que os casos activos moderaron o seu crecemento e sitúanse nos 11.652, uns 400 máis que un día atrás.

Son as cifras principais que deixa o balance publicado este domingo pola Consellería de Sanidade, con datos solicitados ata as 18,00 do sábado, que reflicten que nos hospitais galegos hai 273 pacientes con covid-19 despois de crecer en 21 na última xornada. Destes, hai 225 en planta –16 máis– e 48 en unidades de coidados intensivos –cinco máis–.

Esta suba prodúcese en todas as áreas sanitarias agás na de Pontevedra-O Salnés, onde os hospitalizados se reduciron lixeiramente, ata os 44. Neste distrito, baixaron en tres os enfermos en unidades convencionais de ingreso, ata os 37, aínda que subiron nun os que requiren UCI, ata o sete.

En canto ao resto, a área de Vigo continúa como a de maior presión asistencial, cun total de 95 ingresados –10 máis nas últimas 24 horas–, dos que 20 están críticos –un máis–. Séguelle a área de Ourense-Verín-O Barco de Valdeorras, que contabiliza 64 hospitalizados (+5), aínda que a súa UCI, con sete enfermos, non varían.

A da Coruña-Cee conta con 25 ingresados (+2), aínda que en coidados intensivos mantéñense catro pacientes; a de Santiago-Barbanza ten 16 (+3), cinco deles (+1) en UCI; e a de Lugo-A Mariña-Monforte suma 15 hospitalizados (+3), dos que cinco (+2) están críticos.

A área sanitaria de Ferrol non notificou variacións na última xornada, polo que se mantén en 14 enfermos de covid ingresados, todos eles en planta.

CASOS ACTIVOS EN AUMENTO

En canto aos casos activos de covid-19, seguen en escalada e suman xa 11.652, que supoñen 417 máis que os que figuraban nos datos do sábado. Iso si, este crecemento supón o de menor intensidade desde o luns.

A suba do global dos pacientes coa enfermidade activa débese a que os novos contaxios (964) superaron as altas (544), ao que se engaden tres falecementos.

Os casos activos aumentan en todas as áreas sanitarias, sen excepción. Á cabeza mantense a de Vigo, con 3.731 pacientes (+212), seguida de Ourense-Verín-O Barco de Valdeorras, con 2.657 (+55).

Tras estas, están Pontevedra-O Salnés, con 1.696 (+60); A Coruña-Cee, con 1.586 (+48); Santiago-Barbanza, con 776 (+20); Lugo-A Marriña-Monforte, con 735 (+20); e Ferrol, con 471 (+2).

BAIXADA DE CONTAGIOS

Pola súa banda, os novos contaxios de covid-19 experimentaron un descenso con respecto á xornada anterior, ata volver estar por baixo do milleiro. Nas últimas 24 horas contabilizadas, o Sergas sumou 964 infeccións.

De todas elas, 377 correspóndense coa área de Vigo, tras a cal está a de Ourense, que suma 203 positivos novos. Tras están, está a de Pontevedra, con 112 contaxios no último día; e a da Coruña, con 107.

Por baixo do centenar está a área de Santiago, con 68; a de Lugo, con 66; e a de Ferrol, con 31.

Por tanto, as persoas contaxiadas en Galicia desde o inicio da pandemia xa superan a barreira dos 200.000, ao situarse en 200.252. De todas elas, 45.636 corresponden á área da Coruña-Cee; 42.944 á de Vigo; 28.346, á de Santiago-Barbanza; 25.990, á de Ourense-Verín-O Barco de Valdeorras; 23.655, á de Pontevedra-O Salnés; 21.269, á de Lugo-A Mariña-Monforte; e 12.412, á de Ferrol.

Segundo os último datos actualizados polo Ministerio de Sanidade na tarde do pasado venres 10 de decembro, Galicia conta cunha incidencia acumulada a 14 días de 383,19 casos por 100.000 habitantes, polo que segue por enriba da media de España, que está en 323,07.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...